ممنوع

حمامه فى الغيه

ولقُربها طالب

فيه ناس مرازيه

وكلاب على تعالب

قوانينجى ترزية

بالزوفه يا أرانب

والعيشه ملوخيه

موجب على سالب

دى الدنيا شارع سد

من زحمته مقفول

مكتوب عليه بالعرض

ممنوع عليك الدخول

ممنوع عليك العلم

ممنوع تكون جاهل

ممنوع عليك تنغلق

ولا تكون سافر

ممنوع عليك تتهبل

وتهج وتهاجر

ممنوع تعيش بالظُلم

وعليه ما تتظاهر

ممنوع تهد السور

ممنوع تعدى بحور

ممنوع تقول الحق

ممنوع شهادة الزور

ممنوع تقيد كهربا

ممنوع تطفى النور

ممنوع تروى الأرض

ممنوع تسيبها بور

ممنوع عليك السكوت

وإياك فى مره تثور

ممنوع عليك البُنا

ممنوع تسيبها فضا

ممنوع عليك تعترض

أو ترضى يوم بالقضا

ممنوع تكون كروان

ممنوع تبطل غُنا

ممنوع تكون طماع

ممنوع تعيش بالرضا

ممنوع سلام الإيد

ممنوع تهنى فى العيد

ممنوع تكون أطرش

ممنوع تكون سميع

ممنوع تكون متهم

أو حتى مجنى عليه

منعونا م العيشه

والميه والشيشه

ممنوع عليك تظهر

أو تلبس البيشه

وبجملة الممنوعات

كتبوا علينا السوكات

فى صحافه أو قنوات

وكفايا بس الرقص

وملوها بكليبات

لو قولت يا اتغيير

أقلب وشوف إعلانات

ممنوع كمان الختان

إلا ختان اللسان

ممنوع تموت إنسان

ممنوع تعيش بالجوع

ممنوع عليك ممنوع

إنك تكون ممنوع

أو حتى مش ممنوع

وكل دا بقوانين

مسنوده برجال دين

واحنا نشيل الطين

وبقينا مش عايشين

نصارى على مسلمين

الدنيا رايحه لفين

شمالنا ولا يمين

ممنوع نكون فاهمين

ممنوع نكون صاحين

ممنوع نكون نايمين

أهو كل دا ممنوع

وحاصل المجموع

إنك تعيش مفقوع

والموت عليك ممنوع

يا طريق مفيهش رجوع

صوتى اللى كان مبلوع

خارج قوى مسموع

ح يطبب الموجوع

و يحطم الممنوع

**************

أغلب الغلابه

مجدى العليمى

البلد بلدنا

حين أردت أن أرسل له ملف عبر ( البلوتوث ) وبعد البحث ظهر لى العديد من الأسماء فقلت له ماذا تسمى هاتفك المحمول قال _البلد بلدنا _ وحين رأى نظرة إستغراب علت وجهى قال مداعباً ( أيوه يا عم مش البلد بلدنا ) ولما لاحظ فضولى فى صمتى قال ( ياابنى إحنا السكان الأصليين لمصر وأنتم مستعمريين جيتم مع عمرو بن العاص احتليتم البلد ) فقلت له لكن أكيد فيه ناس من المصريين المسيحيين أسلموا قال لى ( أكيد بس دول الرعاع اللى ما كنوش يقدروا يدفعوا الجزية فاضطروا مقهوريين للدخول فى الإسلام ) هنا ضغط على زر الهاتف لأرسل له الملف وأنا أبتسم بلامبالاه فهو رجل قارىء نهم ودؤوب خصوصاً فيما يخص التاريخ كما أنه ليس متعصب دينياً ولكن متعصب مسيحياً أحبه لأنه جرىء وليس خانعا أحب فيه إعماله لفكره وإن كان به شطط وبدون الدخول فى تفصيلات أخرى .فمن حين لآخر نتناقش فى الحياة العامة بكل مناحيها وفى أمور تخص الديانة والعقيده بدون أى تجريح أو سباب

من ذلك ندرك أن ماقاله السيد بيشوى ليس إلا تعبير مُهذب لبعض ما يحشون به عقول الإخوة فى الكنيسة فقد أدرك السادة القائمين على الكنيسة أن البساط يُسحب من تحت أقدامهم لعدة أسباب أقلها الدين الأسلامى فى زمن لن تُباع فيه صكوك الغُفران فروجوا لصكوك الأوطان فلم تعد الكنيسة بيت لعبادة الله ولكن أصبحت دولة داخل دوله وخرج الرهبان من قلاياتهم إلى المؤتمرات وبدلاً من أن تعلوا أصواتهم بكلام الرب اصبحوا يدلوا بأصواتهم للمرشحين فى الإنتخابات

الأمر الآخر شاهدت ندوة مسجلة للقساوسة يُحاضر فيهم أحد القساوسة من الواضح أن مهمته دراسة الدين الأسلامى وكان عنوان الندوة المسيح فى عيون الآخر . وتكلم خلال الندوة عن الدين الإسلامى وكم ذهلوا عندما قال لهم أن القرآن قال أن المسيح عليه السلام تكلم فى المهد إلا أنهم هاجوا وماجوا حين تكلم عن السيدة مريم البتول وكم كرمها القرآن لدرجة قيام أحد المشرفين على الندوة ليهدأ من روعهم ويقول أن هذا كلام القرآن وكالمسلمين وليس كلام القسيس المتحدث

وكانت نهاية حديث القسيس هى خلاصة المراد من الندوة وهو

لا تدعوهم يهاجموكم ( يقصد المسلمين ) فى عقيدتكم وتقفوا موقف المدافعين لكن عليكم بالأطلاع على دينهم ومهاجمتهم فخير وسيلة للدفاع هو الهجوم

هكذا يدبرون وهكذا يخططون فى الكنيسة

أما بالنسبه للمسيحيين فى الشارع فهم أصدقائنا وزملاءنا نتزاور ويهنأ بعضنا البعض فى الأفراح ويعزى بعضنا البعض فى الأطراح

هذه هى الوحده الوطنية بلا شعارات بلا ابتسامات مزيفة وسلامات جافه ولقاءات مصوره

هذه هى القاعده لكن لكل قاعدة شواذ .. و الأكثر شذوذا هو أن تسود قلوب من نعتقدهم كبار إلا أن الكبير هو كذلك بتصرفاته وأفعاله

بكل المودة

تحياتى للجميع

والسلام عليكم ورحمة الله وبركاته

مجدى العليمى

قرار رئاسى

إذا كان تغير جلدة الحنفية ولمبة الأباجورة يحتاج قرار رئاسى فما جدوى تعين وزراء ومستشارين , ولماذا نعتمد على مؤسسة الرئاسة لحل مشاكلنا وإذا كان الحال كذلك لماذا لا نبحث عن الحل إلا بعد وقوع المشكلة أليست للمبة عمر إفتراضى يمكن معرفته فأتلاشى المشكلة قبل وقوعها أليست لكل مشكلة علامات وبوادر تنذر بقدومها
المشكلة الأكبر هى متى سنتجاوز مرحلة الحضانة كى نتحمل مسؤلية أنفسنا بدلاً من أن نحمل مؤسسة الرئاسة كل الأعباء
لماذا لا نستطيع أن نتخذ قرارات ونتحمل عواقب تل القرارات أىً كانت العواقب بالسلب أو بالإيجاب حتى لو كانت كل ما سنتخذه اليوم من قرارات جميعها خطأ , لكن لابد أن نتعلم من أخطائنا
الآن الجميع يخاف من المسئولية وينتظر القرارات الفوقية لأن اللى فوق ماحدش يقدر يحاسبة
أصبح الجميع كعرائس الماريونيت يتحرك بتوجيهات فإذا وقع الخطأ لا ينطق فالدمى لا تنطق لكن جل فعلها أن تنظر إلى أعلى وعلى الجميع أن يفهم ,حتى أصبحت عادة لم نعد نسأل ولم نعد نحتاج أن ننظر لأعلى حتى لو كان القرار فردى لكنه أصبح يأخذ خاتم قرار رئاسى فيعفى من الحساب
كوكو كوكو لابد أن نعتاد تحمل المسئولية وإتخاذ القرار فلو أخطأنا اليوم لابد أن نسبة الخطأ ستقل يوماً بعد يوم وقراراً بعد قرار
كوكوكوكوكو لابد أن تتاح المعلومات حتى تتضح الرؤية وتتاح للجميع ليتمكن من إتخاذ القرار الصحيح
كوكو كوكو لابد أن يحاسب كل مخطأ ويُثاب كل مجتهد

زيادة الضرائب على السجاير والمعسل

زيادة الضرائب على السجاير والمعسل لتعيض عجز الميزانية خلى بالكم ستوجه هذه الزيادة للعلاج على نفقة الدولة اللى اتنهب بالملايين
مع العلم إن بعض أعضاء مجلس الشعب من غير الحزب الطنى طبعاً اقترحوا توفير العجز من بنود أو جهات آخرى غير زيادة الضرائب على السجائر والمعسل
طبعاً جهابذة الحزب الوطنى علقوا بأن القانون حكيم علشان نحافظ على صحة الناس ويبطلوا تدخين أو يقللوا التدخين
طب لو الناس بطلوا تدخين حتجمعوا عجز الميزانية منين , هما بيضحكا علينا لا على نفسهم
ماهو لو الناس دى تفكرهم صحيح ويهمهم صحة الناس طب مايمنعوا السجاير المشكله مش فى السجاير لا المشكله فى زيادة الضرايب مش لو على التدخين لأ لو على الحشيش والكوكايين زيادة الضرايب حتى لو على المومسات هى دى المشكلة
ماهو أنا بياع فجل بدخن بدخن زادة أسعار الدخان تفتكروا ممكن أسكت لما جزء من دخلى اللى بيكفينى بالكاد ينقص أبداً إما حا ازود سعر حزمة الفجل أو حقلل حزمة الفجل علشان الحزمة ما تكفيش المستهلك ويضطر يشترى واحدة تانى يقوم المستهلك بدوره يعمل زى بتاع الفجل وكل برغت على قد دمه يزود هكذا دايرة
الموضوع مش انا ماعنديش مشكله علشان انا مش بدخن لا انا بتعامل مع ناس بدخن الناس دى حتخسر وعاوزه تعوض خسارتها
الحل ياسادة مش فى ذيادة الضرائب * لا الحل دايماً فى زيادة الإنتاج وعدالة توزيع الثروة وتحصيل حق الدولة فى الضرائب الحل فى إنفاق الحكومة الميزانية فى أوجه إنفاقها الصحيح حتى يقتدى بها المواطن
عرفتوا الحل فين كوكو كوكو إصحوا يانايمين

مع ان الجهاز كان يعمل لكن مع الوقت وتكرار التشغيل أصبح متهالك ربما إنتهت مدة صلاحيته أو يحتاج إلى تغير بعض قطع غيار لذا فكلما تم تشغيله يقوم الزر الأتوماتيكى بإقاف العمل وتكرر ذلك كل مره ولأننا كمصريين ملوك الفهلوة قام الباشمهندس بعمل كوبرى وهكذا عاد الجهاز للعمل
ابتسم الجميع شوف عبقرية المصرى مايغلبه غلاب
بعد نصف ساعة كان الذُعر يلف الجميع فقد انتشر دخان خانق تبعته ألسنة اللهب احتراق الجهاز ومعه كل شئ
ايه السبب الكوبرى
أصبحت حياتنا كلها كبارى
كى تأخذ شئ ليس من حقك تحتاج إلى كوبرى
الأفظع أنك كى تأخذ حقك تحتاج إلى كوبرى
بل أن المواطن أصبحت منزلته الإجتماعية تقاس بعدد الكبارى التى يستطيع أن يصنعها
فلكى تستطيع العيش لابد أن تصنع كوبرى فى التعليم والصحة والتموين و الجمارك و الداخليه والعدل। وووووووووو
فى كل شئ حتى أنبوبة البوتاجاز أصبحت تحتاج إلى كوبرى , دى عيشه سوده مش كده ؟
ياويلك لو الكوبرى اتقلب عليك , أو يجى واحد ويعمل كوبرى أعلى من الكوبرى اللى انت عملته
طب أيه اللى يخلينا نلجأ للكبارى ؟
أكيد ماحدش فينا مش عاوز ياخد حاجه مش من حقه
طب مين اللى بيشجع على عمل الكبارى وبيروج ليها
أكيد واحد إنتهازى ضعيف كسول أو عنده كوبرى كبييييييييييييييييييييييييييييييير
الحكليه ببساطه إنك فرد واحد استعملت كام كوبرى علشان تاخد حقك
طب انت حتستحمل كام واحد يستعملك كوبرى وممكن تكون لأشياء غير قانونية
وإذا كنا كلنا بنستعمل الكبارى طب ليه نتعب نفسنا ما نخلى العلاقة مابينا و بين بعض طبيعية بدون كبارى لا احنا غاويين تعب وطلوع ونزول ونشفان ريق
المهم مش كفابة إنك تكون عارف المشكلة دى
مش كفاية إنك تكون ما بتستعملش الكبارى
شئ مهم إنك تفهم اللى حواليك ده وإننا نحتقر اللى بيلجأ لهذه النقيصة نرفض تصرفه وننبذه من بينا
لأنها فى النهاية حتتسبب فى حريق والقضاء على الجميع
والنار اللى بعيد عنى دخانها بيخنقنى و بكره حتوصلنى

خليك إيجابى قوم وكوكو كوكو اصحى من النوم

مرحباً بكم

صباح الخير

إصحوا يا نايمين

وأهلاً بكم طبعاً البيت بيتكم


انا متأكد إنكم طالما وصلتم هنا تبقوا صاحيين

لكن مش كل واحد مفتح عنيه يبقى صاحى

لأن فيه حجات بنبقى شايفينها ومش شايفنها

علشان كده قلت أرحب بيكم هنا علشان نتواصل

مش كفايه إنك تكون فاهم فتحس إن الناس كلهم فاهمين اللى أنت فاهمه لابد نعبر عن نفسنا علشان نشوف بعضنا صح

عموماً أهلاً بيكم ومرحبا