الكون بما فيه إحنا ، نازلنا كتالوج اسمه القرآن و السنة النبوية الصحيحة
عاوز تقرا الكتالوج او مش عاوز تقراه انت حر
عاوز تصدقه او مش تصدقه انت حر
فهمت اللى فيه لوحدك او تسأل اللى يعجبك انت حر
عاوز تنفذ كل اللى فيه او جزء منه انت حر
زى السخان ناس تقول اضغط الزر قبل ما تشيل الفيشه
و ناس تشيل الفيشه الاول وناس تسيبه شغال على طول
و ناس تطفيه
ناس تركب له وصله سلك مخصوص وناس توصله عادى مع الشقة
كل واحد متعلق من عرقوبه لان مكتوب فى الكتالوج
ان كل واحد يفكر و يتدبر و يفهم علشان هيتسأل عن اللى عمله
مفيش حد يتحاسب عن حد حتى لو الحد دا ضلله
المضلل هيتسأل عن اللى ضللهم
و الضال هيتسأل عن انه ساب حد يضلله
نوال السعداوى تقول اللى هى عاوزها هى بتطرح وجهة نظارها
اللى بتعتقد انها صح و هى اللى هتتحاسب عنها
و عن تكرراها لو حد كررها
ابو بكر البغدادى يقول اللى هو عاوزه زى نوال
أى فعل يتعدى الرأى و إبداء وجهة النظر ﻷى من الطائفتين
هو جريمة دنيوية يجب أن يعاقب فاعلها
و " أعتقد " إنه يحاسب عنها فى الآخرة
الحياة الخاصة مصونة بحيث لا تؤثر على الآخرين
القوانين الوضعية تحدد العلاقة بين مكونات الدنيا
بين الحاكم و المحكوم
بين البحر و السمك بين الإنسان والحيوان و النبات و الهواء
يبقى أن نعرف أن نوال السعداوى تمثل اليسار المتطرف
و ابوبكر البغدادى يمثل اليمين المتطرف
كلما زاد احدهم مغالاة ليجذب الآخر زادت مقاومة الطرف الآخر
ليجذبه بدوره فيزدادا تطرفا
فلكل فعل رد فعل مساوى له فى المقدار و مضاد له فى الإتجاه
هذا ينطبق على كل شئ
الأكيد إن الإسلام دين الوسطية
هذا والله أعلم
الحمد لله دائما
ليست هناك تعليقات:
إرسال تعليق